"Lagundu nazazu nire kabuz egiten"
María Montessori

Mikie

Mikie Montessori Haurreskola da, bertan 0-3 urte tarteko haurrek esperimentazio aktiboaren bidez beraien konpetentziak garatzen dituzte.

Eusko Jaurlaritzako Hezkuntza sailak homologatutako haurreskola gara


HEZKUNTZA PROPOSAMENA

Seaska

0-15 hilabete

Seaskako adin tartea 0 urtetik hasita haurrak segurtasunez eta modu autonomoan ibili arte irauten du.
Espazio lasaia eta segurua da haurrek esploratu dezaten prestatutakoa. Giro seguru honetan, haurrak errespetuz eta afektuz tratatzen dira.
Ingurune honetako xehetasun guztiak haurren garapena kontuan izanda aukeratu dira. Seaskako haurrentzako egokiak diren materialak eta jarduerak prestatzen dira. Beraien jakinmina eta garapena kontuan harturik txoko desberdinak eskaintzen zaizkie haurrei.
Seaskan ez dago errutina zehatzik ezarrita, haur guztiak desberdinak direnez eta erritmo desberdina dutenez horiek errespetatu eta arreta pertsonalizatua eskainiko zaie.

Haur Komunitatea

15-24 hilabete eta 24-36 hilabete

Haur Komunitateko adin tartea haurrak modu autonomoan ibiltzen hasten direnetik 3 urtera arte irauten du.
Haur Komunitatea esplorazioa bultzatzen duen espazioa da, haurren beharrei erantzuteko diseinatutakoa alegia.
Giro ordenatua eta lasaia da, xehetasun guztiak haurraren garapenaren erritmora egokituta daude. Eguneroko errutinak haurren beharrak asetzeko eta beraien autoestimua eta garapena bultzatzeko diseinatu dira.
Espazio honetan, giro seguru eta hezitzailea eskaintzen dugu. Horrela, haurren erabakitzeko eta mugitzeko askatasuna eskaintzen zaie beraien garapenean eta autonomian laguntzeko. Proposatzen diren materialak adin honetako haurren beharrak asetzeko aproposak dira. Burutzen diren jarduerak errealak dira, horiek beraien ingurua ulertzen laguntzen die.
Montessori gune honen helburua, hizkuntzaren garapena bultzatzea eta autonomia eta interakzio sozialetan trebetasunak eskuratzea da.

Espazioak / Guneak

Gure zentroak 30 m2-ko hiru gune ditu, Seaskako bat eta bi Haur Komunitate.
Beste bi espazio daude, 30 m2-ko erabilera anitzeko gela eta 75 m2-ko jolastokia.

Elebitasuna

Bizi garen ingurua kontuan izanik, hizkuntza nagusia euskara da eta ingelesa bigarren hizkuntza da.

Hornikuntza / Materiala

Gune bakoitzak bere adinari dagokion materiala dauka. Horiek, hezkuntza helburu zehatza eta indibidualekin Maria Montessorik sortutakoak dira. Material horiekin lan egiteak ahalbidetzen du: haur bakoitzaren garapen erritmoa errespetatzea, mugitzeko aukera, askatasunez esperimentatzea eta esploratzea, ingurune seguru eta egokian bere beharrak asetzeko.
Montessori materialak haurrak ikaskuntza prozesuaren protagonista aktiboak izanik, beraien beharrak asetzeko pentsatuta daude. Materialen lanaren errepikapenarekin kontzeptu berriak ikasiz joango dira, ikasitakoa ulertuz eta memorizazio lanik gabe.
Ordena Montessoriren pedagogiaren printzipio garrantzitsua da, izan ere, egoki estrukturatutako inguruneak pertsonaren orden mentalean hobekuntza dakar. Altzairuen altuerak haurren esku uzten dute materiala, helduen laguntzaren beharrik gabe.

Jarraitu